Шымкент пен Тараз тұрғындары Тәжікстанда болған жер сілкінісін сезді
АСТАНА. ҚазАқпарат - Бүгін Тәжікстанда болған жер сілкінісі Шымкент пен Таразда сезілді.
«ҚР БҒМ ҒК СТӘЭ» ММ сейсмикалық станса желісінің ақпаратынша, 2015 жылы 10 тамызда Алматы уақытымен сағат 16:05:31 жер дүмпуі тіркелді, оның ошағы Алматы қаласынан оңтүстік-батысқа қарай 826 км жерде Тәжікстан аумағында болды.
«Жер сілкінісінің энергетикалық санаты - 13.9. MPV магнитудасы - 6.6. Тереңдігі - 120 шақырым.
Сезілу туралы мәліметтер (МSК-64 шкаласы бойынша): Шымкент қ., Тараз қ. - 2 балл», - делінген хабарламада.
