Шымкентте екі шетелдік көліктің соқтығысуы салдарынан бір әйел қаза тауып, 8 адам ауруханаға жеткізілді - ҚР ТЖМ
АСТАНА. 11 тамыз. ҚазАқпарат - Шымкент қаласында екі шетелдік көліктің соқтығысуы салдарынан бір әйел қаза тауып, 8 адам ауруханаға жеткізілді, деп хабарлайды ҚР ТЖМ-нің баспасөз қызметінен.
Жұма, 10 тамыз күні Шымкентте «Митсубиси» және «Опель» жеңіл көліктері соқтығысып қалды. Жол-көлік оқиғасының салдарынан «Митсубиси» көлігінің ішінде отырған 66 жастағы әйел ауруханада көз жұмды.
Түрлі жарақаттар алған екі жүргізуші және олардың жолаушылары ауруханаға жеткізілді.
