Шымкентте электрондық жобамен 8 мыңға жуық бүлдіршін балабақшаға қабылданды

None
None
ШЫМКЕНТ. ҚазАқпарат - Шымкентте жаңа электрондық жобамен 7 972 бүлдіршін балабақшаға қабылданды. Мектепке дейінгі мекемелерге жолдама алған балғындардың саны 9 611-ге жеткен. Бұл туралы қалалық білім бөлімінің басшысы Жанат Тәжиева мәлімдеді, деп хабарлайды «ҚазАқпарат» ХАА тілшісі.  

Қала әкімдігінде өткен брифингте бөлім басшысы балаларды балабақшаға қабылдау барысында өтініштерді электрондық жүйемен қабылдаудың тиімді екендігін мәлім етті.

«Бұл жоба ата-аналарға не береді: сайтты ашқан олар перзенттерін бергісі келетін балабақша туралы барлық мәліметті оқи алады, топтардағы бос орындар мен өз кезегінің жылжуын анықтайды, кезегі келгені туралы тегін СМС-хабарлама алады. Ал ең бастысы - адами фактор мен сыбайластық әрекет толық жойылған. Ал, бөлім мамандары бұған дейін айналысқан қағаз толтырудан құтылады», - деді Жанат Тәжиева.

Жалпы, шым шаһарда баласын балабақшаға қабылдау туралы өтінішті электронды түрде 57 756 адам берген.

Соңғы жаңалықтар
telegram