Шымкентте «ҚазТрансОйл» компаниясы «Халықтық IPO» инвесторлары үшін таныстырылым өткізді
ШЫМКЕНТ. 14 қараша. ҚазАқпарат - Оңтүстік Қазақстанның облыстық әкімдігінде «Халықтық IPO» бағдарламасының аясында «ҚазТрансОйл» компаниясының таныстырылымы өтті.
«ҚазМұнайГаз» Ұлттық компаниясы «ҚазТрансОйл» компаниясының әзірге жалғыз акционері болып табылады. Енді еліміздің кез-келген тұрғыны Қазақстандағы алпауыт компанияның акционері бола алады.
Бағалаудан кейін «ҚазТрансОйл» компаниясының 10 пайызға жуық активі акцияланды. Бір қарапайым акцияның құны 725 теңгені құрайды. Акцияға жазылу 6 қарашадан бастап 5 желтоқсанға дейін жалғасады. Акцияны қарапайым адамдармен қатар зейнетақы қорлары да сатып ала алады.
Айта кетейік, «ҚазТрансОйл» компаниясы қазақстандық мұнайдың жартысынан көбін тасымалдайды.
