Шымкенттегі пәтерлердің бірінен әйел адамның мәйіті табылды

ШЫМКЕНТ. ҚазАқпарат - Шымкентте пәтерлердің бірінен әйел адамның мәйіті табылды, деп хабарлайды ҚазАқпарат тілшісі.

Жедел жәрдем қызметкерлерінің айтуынша, марқұмның қайтыс болғанына кем дегенде 3 күн болған. Мән-жайды толық білу мақсатында сот-медициналық сараптамасы тағайындалды.

«18.07.2022 жылы Шымкент қаласы полиция департаменті Әл-Фараби АПБ-ның кезекші бөліміне қала аумағындағы пәтерлердің бірінен әйел адамның мәйіті табылғаны туралы қоңырау келіп түсті. Хабарламаны алған сәтте оқиға орнына Жедел тергеу тобының қызметкерлері барды. Мүрдені тексеру барысында ешқандай дене жарақаты анықталмады»,-делінген Шымкент қаласы полиция департаментінің баспасөз қызметі таратқан хабарламада.