Си Цзиньпин Трамптың инаугурацияға шақыруын қабылдамауы мүмкін — сарапшылар

АСТАНА. KAZINFORM — Сарапшылар Қытай басшысы Си Цзиньпин жаңадан сайланған президент Дональд Трамптың инаугурациясына қатыспауы мүмкін деп есептейді. Бұл туралы  Kazinform меншікті тілшісі ABC News-ке сілтеме жасап хабарлайды.

«Stimson Center»-дағы Қытай бағдарламасының директоры Юн Сунь Қытай көшбасшысының АҚШ президенті инаугурациясына қатысу үшін ешқандай хаттама немесе прецедент жоқ екенін хабарлады.

Бұл ретте, сарапшының пікірінше, жақын арада Дональд Трамп пен Си Цзиньпиннің жеке кездесуін күту керек.

Трамптың Ақ үйге оралуы АҚШ-Қытай бәсекелестігін одан әрі күшейтеді деп күтіліп отыр. Өйткені ол өз кабинетіне бірнеше Қытай саясаткерін таңдады.

Бейжің күту және көру тәсілін ұстанды, бірақ егер Қытай тауарларына баж салығын көтерсе немесе басқа да достыққа нұқсан келтіретін қадамдар жасаса, жауап қайтаруға дайын екенін мәлімдеді.

Өз кезегінде Вашингтондағы Қытай елшілігі Си Цзиньпиннің келесі айда Вашингтондағы инаугурацияға келуіне қатысты ешқандай ақпарат жоқ екенін мәлімдеді.

Айта кетейік, Тime журналы Дональд Трампты жыл адамы деп атағаны белгілі болды.