СҚО-да электронды өнім шығару көлемі артты

ПЕТРОПАВЛ. ҚазАқпарат - СҚО-да ағымдағы жылдың бірінші жартысында негізгі макроэкономикалық көрсеткіштер жақсы болды: негізгі капиталға құйылған инвестиция 1,5 есеге, құрылыс жұмыстары - 1,7 есеге, ауыл шаруашылығының жалпы өнімі 5,6 пайызға ұлғайды.

Бұл туралы СҚО статистика департаментінің баспасөз қызметінен хабарланды.

Қазіргі баға бойынша 75,6 млрд. теңгенің өнімі өндірілді. Облыстық өндіріс көлемінде өңдеу өнеркәсібінің үлесі 68,2% құрады. Өңдеу өнеркәсібінде 51,6 млрд. теңгенің тауары өндірілді.

Машина жасау саласында 10,9 млрд. теңгенің өнімі шығарылды. Бұл саладағы өсім электронды өнім өндірісінің 70,7%, электр жабдығы өндірісінің 3,6 есеге артуы есебінен болды.

Ауыл шаруашылығының жалпы өнімі көлемі ағымдағы жылдың қаңтар-маусым айларында 36,3 млрд.теңгені немесе өткен жылғы сәйкес мерзімнің 105,6% құрады.