СҚО-да қызын зорлаған ер адамды өмір бойына бас бостандығынан айырды
ПЕТРОПАВЛ. KAZINFORM – Солтүстік Қазақстан облысының қылмыстық істер жөніндегі мамандандырылған ауданаралық соты қызын зорлаған ер адамды өмір бойына бас бостандығынан айырды.
СҚО соты баспасөз қызметінің мәліметінше, қылмыстық іс 121-баптың 4- тармағы бойынша қаралды.
Сотталушы былтыр маусым айында кішкентай қызының дәрменсіздігін пайдаланып, жыныстық қатынасқа түскен. Оның кінәсі зардап шегушінің көрсетуімен, фотосуреттермен және сараптамалардың қорытындысымен дәлелденді.
Прокурор және кәмелет жасқа толмаған баланың өкілдері сотталушыны өмір бойына бас бостандығынан айыру жазасын сұрады. Ер адам да, оны қорғаушы да айыптаумен келіспей, ақтауды сұрады.
Қылмыстық жауапкершілікті жеңілдететін де, ауырлататын да жағдайлар анықталмады.
Нәтижесінде сот сотталушыны кінәлі деп танып, өмір бойына жаза кесті.
Сот үкімі әзірге заңдық күшіне енген жоқ.
Бұған дейін СҚО-да қызына пышақ сұғып алған әйел сотталғанын жазған едік.
