СҚО-да жоғалған 17 жастағы бойжеткен табылды
АСТАНА. ҚазАқпарат - Солтүстік Қазақстанда із-түссіз жоғалып кеткен 17 жастағы бойжеткен аман-есен табылды, деп хабарлайды ҚазАқпарат тілшісі СҚО ІІД баспасөз қызметіне сілтеме жасап.
Полиция қызметкерлері Есіл ауданының тумасы Марина Хрусталёваның қайда болғанын анықтады.
«Анықталғанындай, ол Петропавл қаласында өзінің танысының үйінде болған. Жуық арада ол үйіне қайтарылады», - деп хабарлайды облыстық ІІД баспасөз қызметі.
Еске сала кетсек, солтүстікқазақстандық полицейлер 17 жастағы бойжеткенді іздеп жатқанын таңертең хабарлаған болатынбыз. ІІД баспасөз қызметінің ақпараты бойынша, бойжеткен 11 қыркүйекте жоғалып кеткен.
