СҚО-да жол қозғалысына шектеу қойылды
АСТАНА. KAZINFORM – ҚазАвтоЖол Солтүстік Қазақстан облысында қозғалысқа шектеу енгізілгенін хабарлады.
– 2026 жылғы 2 қазан сағат 17:00-ден бастап Солтүстік Қазақстан облысында республикалық маңызы бар KAZ13 «Жезқазған – Арқалық – Петропавл» автомобиль жолының 875-шақырымында (Покровский көпірі) көпірге ағымдағы жөндеу жұмыстарын жүргізуге байланысты жүк көліктері үшін қозғалысқа шектеу енгізілді, - делінген хабарламада.
Мамандар жүргізушілерден аталған учаскеде жол белгілерінің талаптарын сақтап, маршрутты алдын ала жоспарлауды сұрайды.
Айта кетейік, Астанада кептелісті азайту үшін көлік қозғалысы автоматтандырылады.
