СҚО-ның Аққайың ауданында болған өрт ер адамның өмірін қиып кетті
АСТАНА. 15 наурыз. ҚазАқпарат - 14 наурызда сағат 05. 46-да Солтүстік Қазақстан облысының Аққайың ауданындағы Токуши ауылында орналасқан жекеменшік үйде өрт болды.
Жалын тілі шаруа құрылысын да жайпап өтті. Бұл туралы ҚР ТЖМ-нің баспасөз қызметі хабарлады.
Өрт сағат 12. 39-да сөндірілді. Тілсіз жауды ауыздықтауға ҚР ТЖМ Солтүстік Қазақстан облысы бойынша өртке қарсы қызметінің 3 адамы мен 1 техникасы жұмылдырылды.
Жалын шарпыған аумақ 49 шаршы метрді құрады. Өрт салдарынан 46 жастағы ер адам қаза тапты.
