СҚО таэквандошылары Непалдағы чемпионатта 5 медаль олжалады

АСТАНА. ҚазАқпарат - Таэквандодан Непал астанасы Катмандуда өткен Азия чемпионатында Солтүстік Қазақстан облысының спортшылары 1 алтын, 2 күміс және 2 қола жүлдені еншіледі.

Бұл туралы балалар мен жасөспірімдерге арналған күрес спорты мектебі директорының орынбасары Светлана Спесивцева хабарлады, деп жазады sports.kz.

Атап айтқанда, дүбірлі додада Халықаралық спорт шебері Илья Хван 1-орынды және туль бағдарламасы бойынша 2-орынды иеленді.

Сондай-ақ спорт шеберлігіне үміткер Айгүл Қадарменова жеке спарринг - 46 келіге дейінгі салмақ дәрежесі бойынша 2-орынды және 1-ші дан бойынша жеке туль бағдарламасы бойынша 3-орынды, сонымен қатар командалық есепте спаррингте 3-орын алды.

Айта кетейік, чемпионат 19-24 ақпан аралығында өтті.