СҚО тауар өндірушілері алғаш рет өз өнімдерін Алматыдағы ауыл шаруашылығы жәрмеңкесінде ұсынды

АЛМАТЫ. 8 қазан. ҚазАқпарат - Өткен демалыс күндері Алматыда Жамбыл, Оңтүстік Қазақстан, Солтүстік Қазақстан облыстары тауар өндірушілері мен Алматы қаласындағы өнеркәсіп кәсіпорындарының ауыл шаруашылығы жәрмеңкесі болып өтті.
None
None

Бұл туралы қала әкімінің баспасөз қызметінен хабарлайды.

«Астана» алаңында өз тауарларын үш облыс, 26 аудан, екі қала, сондай-ақ үш әлеуметтік-кәсіпкерлік корпорациясы: «Солтүстік», «Тараз» және «Алматы» ұсынды.

Ассортиментте өнімдердің 60-тан астам атауы болды. Оның жалпы көлемі - 385 тонна, соның ішінде ет өнімдері - 80 тонна, картоп - 83 тонна, көкөніс-жемістер - 126 тонна, сүт өнімдері - 34 тонна, балық - 2 тонна, шұжық өнімдері - 15 тонна, қант - 1 тонна, күріш - 12 тонна, ұн өнімдері - 32 тонна.

Павильондарды қарап шыққан Алматы әкімі Ахметжан Есімов ұйымдастырушылардың жәрмеңкені өткізудің басты міндеті - қалалықтарға азық-түлікті базардағы бағалардан төмен бағамен сатуды іске асыруға назар аударды. Алматылықтар ет, көкөністер, сүт және тағы басқаны 15-20 пайызға арзанырақ ала алды.

Барлығы 250 миллион теңгеге өнімдер әкелінді.

Соңғы жаңалықтар