Соғыс кезеңіндегі 54 жапондық жетім өздерін асырап алған қытайлық отбасылармен жүздесті (ФОТО)

АСТАНА. ҚазАқпарат - Бүгін соғыс кезеңінде жетім қалған 54 жапониялықтан тұратын делегация Қытайдың солтүстік шығысындағы Харбин қаласына барып, өздерін асырап алған отбасыларымен кездесті, деп хабарлады Синьхуа.

1945 жылдың тамызында жапониялық әскер тізе бүгіп, шегінгеннен кейін Қытайда 4 мың жапониялық жетім бала қалған. Оларды қытайлық жанұялар асырап алды. 1972 жылы елдер дипломатиялық қарым-қатынастарын қалпына келтірген соң соғыс кезеңінің жапониялық жетімдері мен олардың балалары тарихи отанына, қытайлықтар асырап алған отбасыларына келіп-кетіп тұратын болды.