Солтүстік Қазақстанда бұршақ жауып, күшті жел тұруы ықтимал
АСТАНА. ҚазАқпарат - Солтүстік Қазақстан және Қостанай облысында ауа райына байланысты ескерту жарияланды, деп хабарлайды ҚазАқпарат Қазгидрометке сілтеме жасап.
Солтүстік Қазақстан облысында 23 маусымда желдің жылдамдығы секундына 15-20 метр айналасында болады, күндіз екпіні 25 м/с-қа дейін жетуі мүмкін. Кей жерлерде найзағай жарқылдап, дауыл тұруы мүмкін, бұршақ жаууы ықтимал. Кей жерлерде түнде және күндіз тұман түседі.
Петропавлда 23 маусымда жылдамдығы секундына 15-20 метр болатын жел соғып, найзағай ойнайды, дауыл тұрып, бұршақ жаууы ықтимал. Түнде және күндіз тұман түседі.
Қостанай облысында 23 маусым күні кей жерлерде найзағай жарқылдап, солтүстік-батыстан секундына 15-20 метр жылдамдықпен жел соғуы мүмкін. Бұршақ жаууы ықтимал.
