Солтүстік теңіз арқылы 60 тонналық үлкен бетон тоннель бөлігі тіркеуге алынды

АСТАНА. KAZINFORM — «Шельда» тоннелінің бірінші бөлігі Бельгияның Зебрюгге портындағы құрылыс айлағынан шығып, Солтүстік теңіз арқылы Антверпенге бет алды, деп хабарлайды Kazinfom тілшісі. 

Тоннельдің тіркеуге алынған элементінің ұзындығы 160 метр, ені 42 метр, биіктігі 10 метр және салмағы 60 мың тонна екенін ескергенде, бұл күрделі операция.

Қазіргі кезде Антверпен орналасқан Шельда өзенінің астындағы үшінші тоннельдің құрылысы жүріп жатыр. Қаланың Остервильмен бұл байланысы іс жүзінде Антверпен айналма жолын тиімді аяқтайды. Ұзындығы 1,8 км тоннель сол жағалаудағы Синт-Анна жол айырығын оң жағалаудағы болашақ Остервильмен байланыстырады.

Велошабандоздар үшін бөлек тоннель қарастырылатын болады. 

«Шельда» тоннелі 2028 жылдан бастап велошабандоздар үшін, ал 2030 жылы автокөлік қозғалысы үшін ашық болады. Осы арада Бельгияның «ғасырлық құрылысының» құны өсіп келеді: есеп палатасы жалпы шығынды 10,1 млрд еуроға бағалап отыр, бұл екі жыл бұрынғы бағалаудан 3 млрд-қа көп.

Осы аптада жаңа тоннельдің бірінші бөлігі Зебрюггедегі құрылыс айлағынан шықты. Жаппай бетон конструкциясы Солтүстік теңізді қоса алғанда 100 шақырымға жуық жол жүруі керек.
Ұзындығы 160 метр, ені 42 метр және салмағы 60 мың тонна болатын орасан зор тоннель элементін доктан төрт буксир және бір итерменші шығарып, жылжытады. Бұл ретте тасымалдаушылар қатысушылар су деңгейінің көтерілуін күтеді: бұл отын мен энергия үнемдеудің ақылды әдісі.

Фландрияның Қоғамдық жұмыстар және порттар министрі Анник де Риддер бүкіл әлем бақылап отырған тарихи сәт туралы айтты.

— Мұндай алып бетон элементтерін Солтүстік теңіз мен Шельда арқылы Антверпенге тіркеп апару бұрын-соңды болмаған, — деді ол.

Алдағы апталарда тағы жеті тоннель учаскесінің құрылысы жалғасады. 

— Мұндай үлкен элементтердің құрылысы үлкен кеңістікті қажет етті. Бұл Антверпенде жоқ кеңістік. Сондықтан біз оны Зебрюггеде іске асырдық. Зебрюгге ішкі айлағындағы құрылыс догының ұзындығы 1 шақырым және ені 120 метр. Ең қиыны — бұл жөнелту: құрылыс алаңындағы элементті тіркеуге алып саяхатты бастау, — дейді деді мердігер COTU компаниясының жоба менеджері Ян Баувенс. 

Сонымен бірге Бельгия билігі Брюссель әуежайын жылына 32 млн жолаушыға қызмет көрсету үшін кеңейтуді қарастырып отыр.

Осыдан бұрын Каспий теңізінің солтүстік бөлігінде жаңа арал пайда болғанын жазғанбыз.