Сот шешімімен «АрселорМиттал Теміртау» АҚ-ның 141,4 млн. теңге көлеміндегі заңсыз табысы тәркіленді
ҚАРАҒАНДЫ. ҚазАқпарат - «АрселорМиттал Теміртау» АҚ-ға 4,7 млн. теңгеден астам айыппұл салынды, сонымен қатар оның 141,4 млн. теңге көлеміндегі заңсыз табысы тәркіленді. Бұл туралы Теміртау қ. мамандандырылған әкімшілік сотынан хабарланды.
Сот «АрселорМиттал Теміртау» АҚ ҚР Әкімшілік құқық бұзушылық туралы Кодексінің 281-бабы 6-бөліміне сәйкес кінәлі деп танып, оған әкімшілік жаза ретінде 2400 айлық есептік көрсеткіш көлемінде айыппұл салды, ол 4 756 800 теңгені құрады. Сонымен қатар құқық бұзушылық нәтижесінде 141 427 988 теңге көлеміндегі тапқан пайдасын тәркіледі», - делінген хабарламада.
«Арселор МитталТеміртау» АҚ-ға қатысты әкімшілік материал сотқа Теміртау қаласының мемлекеттік кірістер басқармасынан түскен.
Сот отырысында, «АрселорМиттал Теміртау» АҚ тауарды тасымалдау келісімшарты негізінде «Оқжетпес» ЖШС-ге құны 141,4 млн. теңге болатын 1300 тоннадан астам жанар-жағар май және дизельді отынды сатқан. Бұл «АрселорМиттал Теміртау» АҚ және «Оқжетпес» ЖШС арасындағы мұнай өнімдерінің сату-сатып алу туралы бекітілген шот-фактураларымен расталды. Алайда тауар жөнелту жөніндегі құжаттар рәсімделмеген», - деп түсіндірді сотта.
Айыппұл салғаннан кейін әкімшілік құқық бұзушылық бір жыл ішінде қайталанғаны аталып өтілді.
Сот қаулысы заңды күшіне енген жоқ.
