Су добынан Азия чемпионаты: Қазақстан ерлер құрамасы жеңісті жолын жалғастырып жатыр

АСТАНА. KAZINFORM - Үндістанның Ахмедабад қаласында су спорты түрлерінен Азия чемпионаты өтіп жатыр.

Су добынан Қазақстан ерлер құрамасы топтық кезеңдегі үшінші кездесуін сенімді өткізді.

Спортты дамыту дирекциясы мәліметінше, бұл жолы біздің спортшылар Сингапур командасын 11:7 есебімен жеңіп, турнирдегі кезекті жеңісіне қол жеткізді.

Ертең отандастарымыз топтық кезеңдегі соңғы ойынын өткізеді.

Кездесу Астана уақытымен сағат 13:30-да өтеді. Қарсылас – Таиланд құрамасы.

Айта кетейік, су добынан Қазақстан әйелдер құрамасы Азия біріншілігінің 1/4 финалына өтті.