Су тасқыны салдарынан Қытайдың Шынжаң өлкесінен 184 мың адам көшірілді

13 адам қаза болды, екі адам із-түзсіз жоғалғандар санатында.

Табиғат апатының салдарынан Шынжаңның 1,3 миллионнан астам тұрғыны шығын көріп отыр, 208 мыңдай нысан мен құрылыс қирап және зардап шекті. Су апаты автономиялық өлкеге 1,27 миллиард юаньның (186 миллион АҚШ доллары) тікелей экономикалық шығынын келтірді.

Жергілікті бұқаралық ақпарат құралдарының хабарлауынша, Қытайдың Азаматтық әкімшілік министрлігі зардап шеккен халыққа көмектесу үшін Шынжаңның апат аймақтарына 8 мың шатыр, 20 мың жиынтық мақта киім мен 20 мың мақта көрпе жеткізіп отыр.