Талдықорғанда бесінші қабаттағы пәтерде газ жарылды

АСТАНА. 9 қазан. ҚазАқпарат - Алматы облысының Талдықорған қаласында «Жастар» шағын ауданындағы көп пәтерлі тұрғын үйдің бесінші қабатында газ жарылды, деп хабарлады ҚР ТЖМ баспасөз қызметінен.

Өртті ауыздықтауға аталған ұйымның Алматы облыстық өрт сөндіру қызметінің 25 адамы мен 5 техникасы қамтылды. Жалын шарпыған аумақ 30 шаршы метрді құрады. Өрттің салдарынан күйік шалған 68 жастағы ер адам ауруханаға жатқызылды.