Тамыз айында инфляция деңгейі 100 пайызға тең болды - Статистика агенттігі

АСТАНА. Қыркүйектің 13-і. ҚазАқпарат /Марлан Жиембай/ - Тамыз айында инфляция деңгейі 100 пайызға тең болды. Бұл туралы бүгін елордада еліміздің ағымдағы жылдың қаңтар-тамыз айларындағы әлеуметтік-экономикалық дамуының қысқаша қорытындыларына арналған баспасөз мәслихаты барысында ҚР Статистика агенттігінің төрағасы Әлихан Смайылов мәлім етті.

«Өткен жылдың желтоқсан айымен салыстырғанда, тамыз айында тұтыну бағаларының индексі 104,6 пайызды құрады. Бұл тамыз айында инфляция деңгейінің 100 пайызға тең болғандығын білдіреді. Тұтыну бағалары индексінің құрылымын қарайтын болсақ, азық-түлік тағамдарының және ақылы қызметтердің бағалары 0,1 пайызға төмендеді, ал азық-түлік емес тауарлардың бағалары 0,4 пайызға артты. Осының бәрін қосқанда жалпы инфляцияның деңгейі 100 пайызға, яғни 0-ге тең болды», деді Ә.Смайылов өз сөзінде.