Танымал қазақстандық спорт комментаторы өмірден озды

АСТАНА. ҚазАқпарат - Алғашқы қазақ спорт комментаторларының бірі Сұлтанғали Қаратаев 81 жасында өмірден озды, деп хабарлайды «SPORTINFORM» САА.

Сұлтанғали Қаратаев 1936 жылы 23 маусымда Ақтөбе облысында дүниеге келген. Ұзақ жылдар бойы қазақ радиосында диктор және телеарнада комментатор болған. Қаратаев әріптесі Владимир Толчинскиймен өткен ғасырдың 70-80-жылдары көптеген спорт түрлерінен трансляция жүргізген.

Ол Диас Омаров пен Рабат Жәнібеков сынды аты аңызға айналған комментаторларды тәрбиелеп шығарған.