Таразда алғашқы қар жауды

ТАРАЗ. ҚазАқпарат - Таразда ауа райы, синоптиктер болжағандай, суытты, деп хабарлады «ҚазАқпарат».

Күндіз облыс орталығында және оның маңындағы аудандарда жел жылдамдығы күшейіп, 15-20 метр секундқа жетті. Кейін жауын жауып, ол қарға ұласты.  

Бір сағат ішінде ғана Таразда  5 - 7 сантиметр қар түсті. Сынап бағанасы нөлдік деңгейге дейін түсті.   

 

Жамбыл гидрометеорология орталығының ақпаратынша, 13 және 15 қазанда облыс аумағында оңтүстік батыстан соққан жел күшейеді, кей жерлерде оның жылдамдығы 15-20 м/с-ге дейін жетеді, тұман түсуі ықтимал.