«Таразда ерекше қабілетті «магнит бала» бар» - баспасөзге шолу

АСТАНА. ҚазАқпарат - «ҚазАқпарат» халықаралық ақпараттық агенттігі 8 желтоқсан, сейсенбі күні жарық көрген республикалық бұқаралық ақпарат құралдарындағы өзекті мақалаларға шолуды ұсынады.

***

«Егемен Қазақстан» газетінің жазуынша, Жамбыл облысының ор­талығы - Тараз қаласында түрлі металл заттарды дене­сінде ұстап тұра алатын «маг­нит бала» табылды. Бүгін­де жасы 6-ға енді толып отыр­ған Нұрдәулеттің ерекше қабі­летін ата-анасы жақында ғана байқапты. Қазір баланың осы қа­сиеті күн санап артып келеді.

Немересінің осы қабілетін ең бірінші болып атасы бай­қапты. Ол теледидардан бір қарияның денесіне темір заттарды жабыстырып жатқанын көріп, соны өзіне жасамақ болған. Ештеңе шықпаған соң жанында ойнап жүрген неме­ресінің кеудесіне қасықты қойып көріп, таңғаларлық жайт­қа кезігеді.

«Ата маған: «қасық әкел» деді. Әкеліп беріп едім, атаға жабыспады. Маған жабысты. Сосын үйдегілердің бәрін ша­қы­рып, айтып берді», - дейді Нұрдәулет Арыстанбек қазір.

Бала мектептің даярлық тобында оқиды. Алғашында оның кеудесіне тек бір қасық қана жабысқан екен. Кейін келе бойындағы белгісіз күш күннен-күнге арта түсіпті. Осы­лайша соңғы 10 күнде тар­тылыс бірнеше есеге өскен. Ал қазір оның денесі тұтас планшетті ұстап тұра береді.

«Денесіне жабысатын заттар саны күн өткен сайын көбейіп жатыр. Қазір төрт, алты қасыққа дейін барды. Содан кейін ұялы телефонды жабыстыру туралы ой келіп, оны да көрдік», - дейді Нұрдәулеттің атасы Арыс­танбек Қарақұлов. Осы жайында « Таразда ерекше қабілетті «магнит бала» бар » атты материалда берілген.

Бас басылымда «Қымыз» атты мақала көпшілік назарына ұсынылған.

Қазақтың ішсең таңдайыңды үйіріп, көңіліңді шалқытатын, шөліңді басатын қадірлі сусыны қымыз туралы көптен бері айтылып та, жазылып та келеді. Өткен аптада сондай бір алқалы жиын Астанадағы С.Сейфуллин атын­дағы Қазақ агро­техникалық уни­вер­ситетінде «Қы­мыз-2015» деген атпен ІІІ халықаралық форум болды.

Онда еліміздегі жылқы ша­руа­­шылығы, қымыз өндірудің жай-жапсары, ұлттық брендке айналдыру, табиғи тағамның қауіпсіздігін сақтау, бие сүтін кешенді өндіру мәселесі алға тар­тылды. Халықтық қалыпты заман талабына қарай жаңғыртып, қайтсек өркениет көшіне қосамыз деп әр кез үн көтеріп келе жатқан сенатор Қуаныш Айтаханов ұлт­тық тағам туралы өз ойларын тарата айтып, қымыз стандарты, сертификат туралы байламдарын талқыға салып, таяуда ғана Елбасы қол қойған «Ор­ганикалық өнім өндіру туралы» Заңның берер пайдасын тілге тиек етті. «Отбасым» ұлттық құндылықтар орталығының төрайымы, Пре­зиденттің жанындағы Әйел­дер істері және отбасылық-де­мографиялық саясат жөніндегі ұлттық комис­сияның хатшысы Шолпан Сыздықова қымыздың ұрпақ денсаулығына тигізер пайдасын нақты дәлелдермен атап өтті. Ал «Заң» ЖШС директо­ры, М.Х.Дулати атындағы ТарМУ-дың құрметті профессоры Дүй­сенбек Ыбыналиев өзі басқарып отырған шаруашылықта 80-нен 100-ге дейін бие сауылатынын, ол ұлттық үлгі бойынша іске асатынын айтып, өздеріне жақсы маман қажет екенін еске салды.

***

«Айқын» газетінің жазуынша, ел Парламенті Елбасының биылғы Жолдауын заңнамалық қамтамасыз ету ісін келесі жылға қалдырмай, оған қазірден кірісетін болды. Қасым-Жомарт Тоқаевтың төрағалығымен өткен Сенат бюросының отырысында палатаның алдағы жалпы отырысының күн тәртібі келісілді. Жиынды ашқан Жоғарғы палата спикері сенаторларға Президенттің жуырда жариялаған «Қазақстан жаңа жаһандық нақты ахуалда: өсу, реформалар, даму» атты Жолдауын түсіндіру және іске асыру міндетін жүктеді.

- Мемлекет басшысы таяу уақытта қар­жы­лық секторды тұрақтандыру, бюджеттік сая­сатты оңтайландыру, жекешелендіруге қозғау салу және экономикалық бәсекеге қа­білеттілікті нығайту бойынша шаралар қа­былдауды тапсырды, - деді Қасым-Жо­март Кемелұлы. - Әлемдік экономикадағы тур­буленттілікті және халықаралық қа­ты­настардағы тұрақсыздықты ескерсек, бұл Жолдау айрықша мәнге ие. Аталған құжат уа­қыттың сын-қатерлеріне сайма-сай жа­уап беруді қарастыратын нақты шаралардан тұ­рады. Сенаттың жұмысы, негізінен, Елба­сы­ның тапсырмаларын заңнамалық қам­та­масыз етуге, сондай-ақ Жолдаудың не­гіз­гі ережелерін өңірлерде түсіндіруге ба­ғыт­талады! - деп түйді Сенат төрағасы. Жоғарғы палата осы бейсенбідегі жал­пы отырысында Президенттің ұсынуымен Жо­ғарғы соттың бір топ жаңа судьяларын сайлайтын болды. Олардың канди­да­тура­лары кеше Сенаттың Конституциялық заң­­нама, сот жүйесі және құқық қорғау ор­­ган­дары комитетінің кеңейтілген отырысында алдын ала қаралды. Бұл туралы « Жоғарғы сот судьялары көбейеді» атты мақаладан толық оқи аласыздар.

Осы басылымда «Ғылыми жобалар ақша таба ма?» деген мақала жарияланды. Жақында ғылыми-зерттеулердің нәтижелерін коммерцияландырудың тиімді жүйесін құру мәселелері талқыланған дөңгелек үстел өткені белгілі.

« Алқалы жиын барысында Қазақстанның және шет елдерден келген сарапшылар ғылыми-зерттеулерді коммерцияландырудың тиімді жүйесін құруға қатысты өз ойларын айтты. Бұл тұрғыда Елбасы Нұрсұлтан Назарбаевтың таяуда «Коммерцияландыру туралы» заңға қол қойғанын да айта кеткеніміз орынды болар. Сондықтан «бұл салада кімнің бағы жанып тұр?» деген сұрақты қою артық. Бірақ біздің қай деңгейде жұмыс істеп жатқанымыз ғалымдарды да, құзырлы орындарды да ойға қалдырады. Мәселен, америкалық CRDF Global азаматтық зерттеулер және даму қорының сарапшысы Олег Льянченко Қазақстанда ғылыми жобаларды коммерцияландыру ісіне көңілі толатындығын жеткізді»,-деп жазады мақала авторы.

***

«Ана тілі» газетінің соңғы санында «Балалар ойыншығы өзімізде жасалады» деген мақала берілген. Кез келген бала үшін ең үлкен сыйлық - ойыншық. Ол - бала үшін ермек қана емес, сонымен қатар оның ой-өрісінің дамуына әсер етіп, қимыл-қозғалысы мен сезім ағзаларын жетілдіретін құрал. Бұрынғының баласы балшықтан бала жасап, шыбықты ат қылып мініп, асық ойнаса, бүгінгі баланың талғамы да, сұранысы да өзгеше. Қазір дүкендерде шетелдік сан алуан жылтырақ ойыншық самсап тұр. Алайда олардың сапасына күмән көп.

Қазір алсаң, бірер күнге жетпей сынып қалатыны бергі жағы, мамандар ол ойыншықтардың материалдарының құрамында бала ағзасына кері әсер ти­гізетін зиянды элементтер бар екенін айтып, дабыл қағумен келеді. Шымкенттегі ойыншық автокөліктер шығаратын «Наурыз пластик» зауыты осы олқылықтардың орнын толтыруды көздеп отыр.

«Рабиға Байтемірова - осынау шағын ғана кәсіпорынның басшысы. Бұған дейін өзі бірнеше жыл базарда ойыншық сатқан. Тауарларын Иран, Қытай, Өзбекстаннан әкеліп жүрген. «Қазақтың қолынан ойыншық жасау келмей ме? Осындай зауытты неге өзімізде ашпасқа?» Ойыншық сатушы келіншекке осы ой маза бермеген. Бар тапқанын басқаларға санап бергені аздай, күнкөріс үшін қазақ баласын ұлттық болмысына жат мәдениетпен тәрбиелеуге үлес қосып жүргеніне іштей намыстанады. Содан отбасымен ақылдасып, жиған-терген азды-көпті қаржысын осы кәсіпке салыпты»,-деп жазады басылым.