Таразда полиция қызметкерінің өлімінің себебі анықталуда

ЖАМБЫЛ ОБЛЫСЫ. Мамырдың 27-сі. ҚазАқпарат /Галина Скрипник/ - Таразда полиция қызметкерінің өлтірілуінің мән-жайы анықталуда,

деп хабарлады облыстық ішкі істер департаментінен.

Кеуде тұсына пышақ сұғылған жас жігіттің денесі жақында Тараздың ықшамаудандарының бірінде табылған болатын.

Анықталғандай, өлтірілген 22 жастағы сержант полиция бөлімдерінің бірінің жедел уәкілі болған және ол қызметіне жақында ғана кіріскен.

Бұл факті бойынша 5 адам ұсталды, істің қалған мән-жайы тергеу құпиялығын сақтау мақсатында әзірге жария етілмей отыр.