Тараздағы теннис кортының құрылысын қаржыландыруға 215 млн теңге бөлінді

ЖАМБЫЛ ОБЛЫСЫ. Қарашаның 30-ы. ҚазАқпарат /Галина Скрипник/ - Тараздағы теннис кортының құрылысын қаржыландыруға жергілікті бюджеттен 215 млн теңге бөлінді,

деп хабарлайды Жамбыл облыстық спорт және туризм басқармасы.

«Жаңа спорт кешені халықаралық стандарттарға сәйкес тұрғызылуда және кешен төрт ашық, екі жабық теннис алаңдарын қамтиды», - деді Жамбыл облыстық спорт және туризм басқармасының бастығы Оксана Борисюк.

Оның айтуынша, кордтардың құрылысына спорт ғимараттарын салуда тәжірибесі мол «Хард» итальяндық фирмасының жабындары пайдаланылған.