«Тасбақа бала» атанып кеткен колумбиялық Дидье Монтальвоға операция жасалды

Дидье Монтальво жеті жаста. Арқа­сын­дағы қара қабыршақты беймәлім жабын оны тасбақаға ұқсатады. Ерекше бала әлемге биыл ғана таныл­ды. Жалғызілікті әйел Лус Монтальво журналис­тер­ге ұлының тағдырына алаңдайтынын айтқан еді. Оның айтуынша, Дидье өзі қатарлас балалар­дың мазағына шыдай алар емес. Бұл жайтты есті­ген ағылшын пластикалық хирургі Нил Балс­трод Колумбияға арнайы барып, балаға тегін операция жасап берді. Ол Дидьенің анасынан ешқандай қаражат талап етпейтінін айтты. Қазір нысаналы бала жасанды теріге машықталып жатыр. Дәрігер­лердің айтуынша, баланың ауруы ғылымда «құрсақішілік меланоцитарлы невус» делінеді, ол - генетикалық мутацияның салдары. Мұндай кесел әрбір 20 мыңыншы балаға жабысады екен, деп жазады «Алаш айнасы » басылымы.