Ташкентте мас ана гүл дүкенінде қызын аяусыз соққыға жықты

Әлеуметтік желіде гүл дүкенінде гүл сұрап жатқанда В.А.-ның мас күйінде қызы В.И.-ды балағаттап, ұрып-соғып жатқаны туралы видеохабарламалар тарады, деп хабарлайды ҚазАқпарат Өзбекстан Балалар омбудсменінің ресми Telegram-каналына сілтеме жасап.

Балалар омбудсмені дүкенде анасынан таяқ жеген қыздың жағдайына қатысты ресми мәлімдеме жасады.
Оқиға Мырза Ұлықбек ауданы «Оқибат» мөлтек ауданындағы Марказ-1 орамында орналасқан дүкенде болғаны анықталды. Сол жерде болған азаматтар оқиғаны видеоға түсіріп, таратқан.

Бұл жағдай бірден Балалар омбудсменінің бақылауына алынды. Қазіргі уақытта ана В.А.-ның әрекетін бағалауға байланысты аудандық ІІБ тарапынан тергеу амалдары жүргізілуде.

Балалар омбудсменінің айтуынша, анасының мұндай зорлық-зомбылығынан зардап шеккен қыз Ташкент қаласындағы кәмелетке толмағандарды әлеуметтік-құқықтық қорғау орталығына орналастырылған. Әйелді аналық құқығынан айыру мәселесі қаралуда.