Тасқалада Кеңес Одағының Батыры С.Жақсығұловты еске алу шарасы өткізілді

ОРАЛ. Сәуірдің 1-і. ҚазАқпарат /Елжан Ералы/ - БҚО-ның Тасқала ауданы орталығында Кеңес Одағының Батыры Садық Жақсығұловты еске алу шарасы өткізілді,

деп хабарлайды ҚазАқпарат тілшісі.

Батыр атындағы мектепке жиналғандар оның мүсініне гүл шоқтарын қойып, тағзым етті. Облыс әкімінің орынбасары Нұрлан Ноғаев Ұлы Жеңістің 65 жылдығы қарсаңында Орал қаласындағы бір көшеге батыр есімі берілгенін, С.Жақсығұловты еске алуға арналған Тасқалада өткізіліп келе жатқан қазақ күресінен республикалық турнирдің аясы кеңи түсетінін, осындай шаралардың алдағы уақытта да жалғасын табатынын атап өтті. Осыдан бір жыл бұрын өмірден озған ер туралы естеліктер айтылып, Амангелді ауылындағы бейіті басында құран бағышталды.