Теміртауда су құбырының жарылуы салдарынан 336 тұрғын үй мен бірқатар әлеуметтік нысан сусыз қалды
АСТАНА. Қыркүйектің 23-і. ҚазАқпарат - Қарағанды облысындағы Теміртау қаласында су құбырының жарылуы салдарынан 336 тұрғын үй,
6 балабақша, 4 орта мектеп, 2 кәсіптік-техникалық мектеп, перзентхана және балалар ауруханасы сусыз қалды, деп хабарлайды Төтенше жағдайлар министрлігінің баспасөз қызметінен.
Су құбырындағы апат сейсенбі күні сағат 19.00-де орын алды. Жарылған құбырдың диаметрі - 400 мм. Әлеуметтік нысандарға су жеткізілімі ұйымдастырылып отыр.
«Сағат 22.45-те су құбырын қалпына келтіру жұмыстары толық аяқталды»,- делінген төтенше жағдайлар ведомствосының соңғы ақпаратында. Төтенше оқиғаның салдарларын жоюға «Оқжетпес» ЖШС-нің 17 адамы мен 8 техникасы жұмылдырылды.
