Теңге әлемдегі ең әдемі банкнот деп танылды

АСТАНА. ҚазАқпарат - Ұлттық валютамыз теңге әлемдегі ең әдемі банкнот атанды.

Бұл туралы The Telegraph басылымының әлемдегі ең әдемі банкноттардың рейтингісін жариялау кезінде белгілі болды. Әлем бойынша 15 банкнот кірген рейтингте Қазақстанның ұлттық валютасы - теңге көш бастап тұр. Таңдау таудағы қар барысы бейнеленген 10 мың теңгелік купюраға түскен.

Рейтингте 2-орында Оңтүстік Африка Республикасының ұлттық ақша бірлігі - оңтүстікафрикалық рэнд тұр. Ал 3-орынды жаңазеландиялық доллар алған.