Теңіз қарақшылары танкерді басып алды
АСТАНА. ҚазАқпарат - Қаруланған теңіз қарақшылары Малайзияның шығыс жағалауының жанындағы танкерге шабуыл жасады.
Бұл туралы жұма күні сингапурлық Star газетінің электрондық нұсқасынан хабарланды.
Қарақшылық шабуыл бейсенбі күні, 28 тамызда, Оңтүстік-Қытай теңізінің Тиоман аралы аумағында жасалған. Сингапурдан Таиландқа бағыт алған таиландтық кеме командасы машина бөліміне қамалған.
Мұнай ағызып алынған соң танкер босатылған, жапа шеккендер жоқ.
