«Теңізшевройл» зауытына бомба қойылғандығы туралы қоңырау шалынды - Төтенше жағдайлар министрлігі
АСТАНА. Тамыздың 10-ы. ҚазАқпарат - Атырау облысындағы «Теңізшевройл» зауытында жарылғыш құрылғының қойылғандығы туралы ақпарат тексерілуде,
деп хабарлайды Төтенше жағдайлар министрлігінің баспасөз қызметінен.
Кеше, тамыздың 9-ы күні сағат 21.30-да аудандық ішкі істер бөліміне Жылыой ауданында орналасқан «Теңізшевройл» зауытының аумағына бомба қойылғандығы туралы анонимді қоңырау түсті. Зауыт аумағы дереу қоршауға алынып, ішкі істер бөлімі арнайы қызмет саперларымен бірлесіп, жарылғыш құрылғыны іздестіруде.
