Теннисші Сабинаның рекорды Гиннесс кітабына енді

АСТАНА. ҚазАқпарат - Әйелдер арасында теннисші неміс қызы Сабина Лисицки допты қағу жылдамдығы бойынша Гиннесстің рекордтар кітабына енді. Бұл туралы Әйелдер теннисі қауымдастығынан (WTA) хабарлады деп жазады ИТАР-ТАСС.

Лисицки шілде айының соңында Стэнфордта сербиялық Ана Ивановичке қарсы өткізген турнирдің алғашқы айналымының матчында рекорд орнатты. Неміс қызы теннис добын сағатына 131 миль жылдамдықпен (210,8 км/сағ) қаға алды. Мұның алдында американдық Винус Уильямс 129 миль/сағат (207,6 км/сағ) көрсеткішіне қол жеткізген болатын.