Тез шешілген мәселе сапалы бола бермейді - Досаев

АЛМАТЫ. KAZINFORM – Алматы қаласының әкімі Ерболат Досаев Медеу ауданының тұрғындарымен кездесті. Сұрақ-жауап сессиясы барысында тұрғындардың бірі мегаполис проблемалары жүйелі түрде шешіліп жатқанын айтып, алғысын білдірді.

- Біз де мәселені тез шешкіміз келеді. Бірақ тез істелген жұмыс сапалы бола бермейді. Бізге ақша бөлу үшін құжаттар қажет. Яғни жобалау-сметалық құжаттаманы, сараптама нәтижесін алу секілді қадамдардан өтеміз. Қолдауыңызға алғыс айтамын. Сенімдеріңізді ақтауға тырысамыз, - деді Ерболат Досаев.

Еске салайық, бұған дейін Ерболат Досаев мемлекеттік сатып алу туралы пікір білдіріп, жиі сынатын арзан жабдық қажет емес екенін айтқан еді.

Сондай-ақ Алматы әкімінің айтуынша, 1-сыныпқа баратын балалардың 90%-ы — қазақтілді.