Тікұшақ апат болған ауданда «қара жәшік» табылды - Ұлттық қауіпсіздік комитеті

АСТАНА. Қыркүйектің  9-ы.  ҚазАқпарат   -     Орталық аппараттың  Шұғыл  штабы,    тікұшақ  апат болған    ауданда     «қара жәшік»  табылғанын   мәлім етті, 

 деп  хабарлады  Ұлттық қауіпсіздік  комитетінің баспасөз   қызметінен.

Онда   не  жазылғанын  оқу  үшін, аппарат    мамандарға   берілді.   Іздестіру-құтқару  топтары  апат болған  аумақты тағы да мұқият тексеріп   шығып,      қаза тапқан  әскери   қызметкерлердің  денелерінің    бөлшектерін  тапты.   Олардың аты-жөнін анықтау үшін  сараптамаға    жөнелтілді.

Шекара  қызметінің  бөлімдері мен бөлімшелерінде   үшкүндік  аза тұту  жарияланды.     Еліміздің   қауіпсіздік  органының басшылығы  мен    барлық жеке  құрамы    Қазақстан  Республикасының Мемлекеттік  шекарасын    қорғау  жөніндегі жауынгерлік міндеттерін атқару  кезінде  қаза тапқандардың  туған-туыстары мен  жақындарына     көңіл  айтуда.