Том Леффлер: Альвареспен реванш болмай қалса, басқа жоспарымыз бар
«Егер реваншты ұйымдастырудың сәті түссе, ол мамырда өтеді. Егер қандай да бір себеппен ол жүзеге аспай қалатын болса, Геннадий келесі жекпе-жегін наурыз-сәуір айларында, тіпті, одан да ерте - ақпанда өткізуі мүмкін. Орта салмақ дивизионы қазір қызып тұр, бұл санатта мықты боксшылар көп. GGG қашан да барлық белдікті жинап алуды қалайды, сондықтан да біздің «Б жоспарымыз» біріктіруші жекпе-жек (Билли Джо Сондерске қарсы) болуы мүмкін. Егер оның да сәті түспесе басқа боксшылар да бар - Риота Мурата Жапонияда үлкен жеңіске жетті, Дэнни Джейкобс қарашада HBO шаршы алаңына шығады, Деметриус Андраде де таяуда ғана жеңіске жетті, сосын Джермалл Чарло бар, ол - Геннадиймен жұдырықтасуға міндетті кандидаттардың бірі. Орта салмақта қазір айтулы жекпе-жек өткізуге кандидаттар көп», - деді Леффлер Ring TV-ге берген сұхбатында.