Трамп әкімшілігі USAID-тің 2 мың қызметкерін жұмыстан шығарды

АСТАНА. KAZINFORM – Трамп әкімшілігі жексенбі күні АҚШ халықаралық даму агенттігінің (USAID) 2 мың қызметкерін жұмыстан шығару және 1000-ға жуық қызметкерін ақысыз демалысқа жіберу туралы электронды хат жолдады, деп хабарлайды Kazinform меншікті тілшісі.

The New York Times алған электрондық хаттың көшірмесіне сәйкес, ережеге «өте маңызды бағдарламалармен» жұмыс істейтін адамдар, сондай-ақ «негізгі басшылық» және «арнайы әзірленген бағдарламаларды» қолдайтын қызметкерлер кірмейді.

Бұл қадамдар судья жұма күні Трамп әкімшілігі көптеген агенттік қызметкерлерін жұмыстан шығару немесе ақысыз демалысқа жіберу және шетелдегі операцияларды тоқтату жоспарларын іске асыра алады деп қаулы шығарғаннан кейін жасалды. 

— Жексенбі, 2025 жылғы 23 ақпанда шығысеуропалық уақыт бойынша сағат 23:59–дан бастап USAID-тің маңызды функцияларға жауапты болып тағайындалған қызметкерлерден басқа әлем бойынша барлық қызметкерлері әкімшілік демалысқа жіберіледі, - делінген USAID қызметкерлеріне жіберілген хабарламаларда, деп жазды NBC News. 

Агенттік АҚШ-тағы жұмыс күшін шамамен 2 мың адамға қысқартатынын мәлімдеді.
Президент Дональд Трамп пен оның бас экономисі Илон Масктің сендіруінше, көмек көрсету мен даму жұмыстары ысырапқа әкеліп отыр.

Бұған дейін АҚШ USAID-ты неге тарататынын жазған болатынбыз.