Трамп Конгресте инфляциямен күрес жоспарын жариялады

АСТАНА.KAZINFORM – Дональд Трамп өзінің сөзінде басты басымдықтарының бірі АҚШ экономикасын құтқару, жұмыс істейтін отбасыларға жедел әрі қомақты көмек көрсету екенін атап өтті, деп хабарлайды Kazinform тілшісі KDH News -ке сілтеме жасап.

Ол бұрынғы әкімшіліктен апатты жағдайдағы экономика, алапат инфляция қалғанын айтты. Байден әкімшілігінің саясаты энерготасымалдаушыларға бағаны өсіріп, азық-түлік пен тамаққа деген шығынды көбейтті. Сондай-ақ бірінші кезекте қажетті заттарды миллилондаған америкалықтар үшін қолжетімсіз етті. АҚШ 48 жыл ішінде, тіпті ел өмірінде десе де болады - ең күшті инфляцияны бастан өткерді.

Трамп президент ретінде осы шығындарды жойып, Американы баяғыдай қолжетімді етуге күнде күш салып жатқанын айтты.

Қазір инфляциямен күресте басты назар энергияның бағасын күрт түсіруге аударылып отыр. Бізге дейінгі әкімшілік жаңа мұнай және газ арендаларын 95% қысқартып, құбыр желілерінің құрылысын барынша баяулатқан, сондай-ақ 100-ден астам электр стансаларын жауып тастаған.

- Біз қазір осы стансалардың көпшілігін ашып жатырыз, - деді АҚШ президенті.

Трамп президенттік қызметтің бірінші күні «Бұрғыла және бұрғыла» деген ұранмен көміртегілерді өндіру жөнінде жарлық шығарғанын атап өтті.

Трамп әкімшілігі Аляскадағы алып газ құбырымен де жұмыс істеп жатыр. Ол Жапония, Оңтүстік Корея сынды өзге де елдердің әрқайсысы триллиондаған доллар инвестиция құйып, американың серіктесі болғысы келетін әлемдегі ең ірі нысандардың бірі. Барлығы да іске қосуға дайын. Рұқсат алынды, енді Трамп осы аптаның соңында АҚШ-та аса қажетті минералдар мен сирек кездесетін металл өндірісін күрт кеңейту бағытында тарихи шара қабылдайды.

АҚШ инфляциямен одан әрі күресу бағытында энергия бағасын түсіріп қана қоймай, салық төлеушілердің ақшасын беталды шашуды тоқтатады.

Трамп бұл мақсат үшін үкіметтен тиімділік департаментін (DOGE) құрғанын айта кетті және оның жетекшісі Илон Маскке атқарған ауқымды жұмысы үшін алғыс білдірді.

Инфляцияны жеңу үшін Трамп әкімшілігі ипотека бойынша ставкаларды азайтпақ. Сондай-ақ автонесие үшін төлемдерді және азық-түлік бағасын түсіреді. Қарт адамдарды қорғауға қажетті шараларды қолға алып, америкалық отбасыларға қомақты қаржы бөледі.

Осы бағыттағы тағы бір шараның бірі жақында 5 млн долларға сатыла бастайтын «Алтын карта» болады. Олар АҚШ-қа салық төлеп, жұмыс орындарын ашатын бақуатты адамдарға беріледі.

Трамп жоспарының келесі кезеңі Конгресс қабылдайтын баршаға арналған салық жеңілдіктерімен байланысты тарихи экономиканы құру болып табылады.

Трамп баж салығын салуды, кей жағдайда мол көлемде салуды уәде етті.

- Өзге елдер ондаған жылдар бойы баж салығын бізге қарсы қолданды, енді оларды өзге елдерге біз саламыз. Еуропалық Одақ, Қытай, Бразилия, Үндістан, Мексика, Канада мен өзге де көптеген елдер біздікімен салыстырғанда шектен тыс жоғары салық алады. Бұл - әділетсіз. Үндістан бізден көлік салығын 100% пайыздан жоғары алады. Қытайдың өнімдерге орташа тарифі біздікінен екі есе көп. Ал Оңтүстік Кореяның орташа тарифі төрт есе жоғары. Сонымен бірге біз Оңтүстік Кореяға әскери және басқа да көмектер көрсетеміз, - деп мәлімдеді Трамп.

2 сәуірде өзара баж салығы күшіне енеді. Тарифтер Америкаға жеткізілетін ауыл шаруашылығы өнімдеріне жүреді. «Тарифтер Американы қайтадан бай әрі ұлы етеді».

АҚШ бұдан былай Канада мен Мексикаға жүздеген миллион долларға субсидия бермейді.

Трамп коммерциялық және әскери кеме құрылысын қоса алғанда америкалық кеме құрастыру өнеркәсібін жандандыратынын мәлімдеді.

Осы мақсат үшін ол Ақ үйде кеме құрылысының жаңа кеңсесі құрылатынын айтып, осы саланы Америкаға қайтару үшін арнайы салық жеңілдіктерін ұсынды.

Осыған дейін Трамп Конгрестің бірлескен отырысында не туралы айтқанын жаздық.