Трамптың арнайы елшісі Киевтің президент сайлауын өткізуге дайын екенін мәлімдеді

АСТАНА. KAZINFORM –Украинада кезекті президент сайлауы 2024 жылы өткізілуі тиіс. Алайда бұл елдің заңы бойынша әскери жағдай кезінде қандай да бір дауыс беру шараларының өтуіне тыйым салынған, деп хабарлайды BBC.

- Олар бұған келісті, Украинада сайлау болады, -деді Стив Уиткофф Такер Карлсонға берген сұхбатында.

Уиткофф сонымен қатар Украинаның НАТО мүшесі болмайтынын атап өтті. Бірақ украиндықтармен «бесінші пункт» жөнінде әңгіме болды. Оның талаптары бойынша, НАТО-ның әрбір мүшесі өзге мүшелерден көмек алады. Бұл ретте әңгіме Украина НАТО мүшесі болмаса да осындай көмекті алуға құқылы ма, деген сауал төңірегінде өрбіді.

- НАТО-ға келетін болсақ, Зеленский мен оның «оң қолы» Ермак НАТО-ға мүше болмайтынын мойындады деуге болады, - деді арнайы өкіл.

Осыған дейін Трамптың Украина бойынша келіссөздердің бағыт-бағдары айқындала бастағаны туралы айтқанын жаздық.