Тректегі велоспорттан Азия чемпионаты: Қазақстан құрамасы үш медаль жеңіп алды

АСТАНА. KAZINFORM – Үндістан астанасы Нью-Делиде өтіп жатқан велоспорттан Азия чемпионатының бірінші күнінде қазақстандық велошабандоздар үш медаль жеңіп алды. Бұл туралы Қазақстан велоспорт федерациясының баспасөз қызметі мәлімдеді.

«Әлішер Жұмақан, Рамис Дінмұхаметов, Илья Қарабутов және Дмитрий Носков командалық жарыста (4 шақырым) қола жүлде жеңіп алды. Жасөспірімдер Ердәулет Егізбай, Кирилл Чжан, Андрей Гребенюков және Диас Рысбай да командалық сайыста жүлделі үшінші орынға ие болды. Жасөспірімдер Аружан Рахмжан, Мария Елькина, Динара Көпжасарова және Гүлназ Құрметбекқызы да дәл осы бағытта күміске қол жеткізді», - деп хабарлады федерациядан.