Тунисте ашынған топ полиция участогын өртеп жіберді

АСТАНА. 7 ақпан. ҚазАқпарат - Тунисте ашынған топ полиция участогын өртеп жіберді. Тәртіп сақшыларының хабарлауынша, адамдар алдымен ғимаратты тонаған,

одан кейін өртеп жіберген, деп хабарлайды РБК Associated Press агенттігіне сілтеме жасап. Оқиға салдарынан ешкім зардап шекпеген.

Қазір Тунистегі барлық үкіметтік ғимараттар армияның күзетінде. Естеріңізге сала кетейік, Тунистің елордасында шерушілермен болған жаңа қақтығыстардың барысында 2 адам қаза болып, тағы 17 адам зардап шеккен еді. Шерушілер полиция участогына тас және отын құйылған шөлмектер лақтыра бастағаннан кейін, полицияға оларға қарсы оқ ашқан.

Тунистегі оқиғаларды тексерумен айналысып жатқан БҰҰ миссиясының соңғы деректері бойынша, елде орын алған тәртіпсіздіктер барысында барлығы 219 адам қаза тапқан, 510 адам жараланған.