Түрік спортшысы Еуропаның үздік жеңіл атлеті атағына үміткер
АНКАРА. ҚазАқпарат - Түрік спортшысы Рамиль Гулиев Еуропаның тамыз айындағы үздік жеңіл атлеті атағына үміткер болып отыр. Бұл туралы Түркия Жеңіл атлетика федерациясы мәлім етті, деп хабарлайды Анадолы агенттігі.
7-12 тамыз күндері Берлинде өткен жеңіл атлетикадан Еуропа чемпионатында Рамиль Гулиев 19,76 секундта 200 метрді бағындырып, жаңа рекорд орнатты.
Еуропаның үздік жеңіл атлеті атағына Түркия өкілінен тыс, мына спортшылар да үміткер:
Ерлер арасында - Арман Дюплантис (Швеция), Зарнел Хьюз (Ұлыбритания), Якоб Ингебригтсен (Норвегия), Коэн Нарт (Бельгия);
Әйелдер арасында - Дина Ашер-Смит (Ұлыбритания), Кристин Хуссонг (Германия), Лора Мьюр (Ұлыбритания), Екатерини Стефаниди (Грекия), Анита Влодарчик (Польша).
