Түркістан, Қостанай облыстарында ауа райына байланысты ескерту жарияланды
АСТАНА. ҚазАқпарат - Ауа райының қолайсыздығына байланысты тағы да екі облыста ескерту жарияланды, деп хабарлайды ҚазАқпарат Қазгидрометке сілтеме жасап.
12 қаңтарда Түркістан облысының кей жерлерінде тұман түседі, көктайғақ болады, түнде солтүстік-батыстан 15-20 м/с күшті соғады.
12 қаңтарда Шымкент қаласында түнде тұман күтіледі.
12 қаңтарда Қостанай облысының кей жерлерінде тұман түседі, күндіз бұрқасын болады, оңтүстік-батыстан, оңтүстіктен соққан желдің жылдамдығы секундына 15-20 метрге жетуі ықтимал.
Сол күні Қостанай қаласында күндіз бұрқасын соғады, оңтүстік-батыстан, оңтүстіктен тұрған желдің жылдамдығы секундына 18 метрге жетеді.
Еске сала кетсек, Батыс Қазақстан облысында 12 қаңтар күні ауа райының бұзылатыны жөнінде ескерту жарияланған болатын.
