Түркияда инфляция әлі де екі таңбалы деңгейде сақталып отыр

АСТАНА. KAZINFORM – Түркия экономикасындағы инфляция көрсеткіші жыл сайын төмендегенімен, айлық мәнде белгілі бір өсім бар.

Түркия Статистика институтының (TÜİK) мәліметінше, инфляция биылғы наурыз айында 2,46 пайыздық өсімін жалғастырды, бірақ бір жылда 38,1 пайызға дейін төмендеді.

Бұл ретте Түркия азаматтарының күнделікті өміріне айтарлықтай әсер ететін азық-түлік, көлік және тұрғын үй сияқты санаттарда баға өсімі байқалып отыр. 

Азық-түлік және энергия сияқты тұрақсыз санаттарды қоспағандағы «негізгі инфляция» наурызда 1,30%-ға өсті. Соңғы 12 айда жалпы инфляцияның 51,26%-ға өсуі байқалды.

Өткен айда Түркиядағы инфляцияның негізгі деректері: 

•  айлық өсім (2025 жылдың ақпанымен салыстырғанда): 2,46%; 
•  жылдық өсім (2024 жылғы наурызбен салыстырғанда): 38,10%; 
•  соңғы 12 айдағы өсім: 51,26%.

Елдегі соңғы оқиғаларға байланысты Түркиядағы ішкі саяси теңгерімсіздік ел экономикасына қатты әсер етіп, Орталық банк үшін қосымша қиындықтар тудырып отыр. 

Сонымен қатар, сарапшылардың бағалауынша, инфляцияның белгілі бір төмендеуі түрік билігінің инфляцияның жоғары қарқынына қарсы күрестің жалғасын тауып жатқанын және бағаны тұрақтандыруға бағытталған экономикалық шаралардың әсерін танытып отыр. 

Еске сала кетсек, Түркияда 19-25 наурыз аралығында жаппай наразылықтар кезінде 1879 адам ұсталғанын жазған болатынбыз.