Түркияда медицина және косметология мақсатында сарышаян өсіруге рұқсат етілді

АСТАНА. KAZINFORM – Елдегі 86 компанияға сарышаяндарды олардың уын медициналық және косметологиялық мақсатта пайдалану үшін лицензиялар аясында жаңа мүмкіндіктер беріліп, қатаң шектеулер қойылды, деп хабарлайды Kazinform меншікті тілшісі.

Жобада сарышаяндардың Androctonus turkiyensis сияқты төлтүріне ерекше назар аударылып отыр, олардың уы қолдану спектрі кең у қайтаратын дәрі-дәрмектер әзірлеу үшін бағалы болып танылды.

Мамандардың айтуынша, бұл удан өндірілетін дәрілер тек ішкі нарықта ғана емес, экспорт нарығында да сұранысқа ие болады.

Мамандандырылған шаруашылықтар орналасатын негізгі аймақтарға Шанлыурфа, Конья, Элязыг және т.б. провинциялар кіріп отыр. Жобаны Түркияның Ауыл шаруашылығы және орман шаруашылығы министрлігі қадағалайды, бұл қауіпті жәндіктерді өсіру кезінде барлық экологиялық және құқықтық нормалардың сақталуын қамтамасыз етеді.

Ведомствода атап өтілгендей, елдегі мұндай жаңашылдықтар табиғи құрамдас бөліктерге негізделген жоғары сапалы препараттар арқылы биофармацевтикалық саланы дамытады.

Алайда Түркияда жабайы табиғатта сарышаяндарды рұқсатсыз аулауға қатаң тыйым салынған. Бұл тыйымды бұзғаны үшін айыппұл 557 мың түрік лирасына (шамамен 15 мың доллар) жетуі мүмкін.

Осылайша, жаңа жоба Түркияның биофармацевтикалық индустриясын дамытуға қосымша мүмкіндіктер ашып қана қоймай, сирек кездесетін және қауіпті сарышаян түрлерін қорғау, олардың табиғатта сақталуын қамтамасыз ету бойынша белгілі бір шараларды қамтиды.

Осыған дейін Түркияның әскери өнім экспорты бойынша жаңа рекорд орнатқанын жаздық.