Түркияда саябақтағы аттракцион құлады, зардап шеккендер бар

АСТАНА. ҚазАқпарат - Түркиядағы ойын-сауық саябағында аттракцион  түсіп, он адам зардап шекті, деп хабарлайды Anadolu агенттігі.

Оқиға Конья қаласындағы ойын-сауық саябағында болған.  

Адамдарды "Адреналин мұнарасы" деп аталатын аттракционмен 25 метрге дейін көтеріп, жерге бірден түсіріп жіберген. 

Жерге екі метр қалғанда аспалар шыдамай, үзіліп кетеді. Аттракциондағы адамдар жерге құлап, темір платформаға соғылған.

Оқиға салдарынан он адам жарақат алып, ауруханаға жеткізілді.

Дәрігерлердің айтуынша, олардың жағдайы бірқалыпты, өміріне ешқандай қауіп жоқ.

Оқиғаның неден болғанын мамандар мен полицейлер анықтап жатыр.