Түркістан қаласы Полиция департаментінің басшысы тағайындалды
ТҮРКІСТАН. KAZINFORM - Түркістан қалалық Полиция басқармасының бастығы болып полиция подполковнигі Жасұлан Қаржаубайұлы Нысанбаев тағайындалды. Бұл туралы Түркістан облыстық ПД баспасөз қызметі мәлім етті.
Жаңа басшыны жеке құрамға Түркістан облысы Полиция департаменті бастығының міндетін атқарушы полиция полковнигі Бағланбек Айтпаев таныстырды.
Жасұлан Қаржаубайұлы ішкі істер органдарындағы қызметін 2003 жылы криминалдық полиция саласынан бастап, Түркістан облысы Полиция департаментінде Криминалдық полиция басқармасында және Ордабасы ауданында басшылық қызметте болған.
2020 жылдан бастап бүгінгі күнге дейін Созақ ауданының полиция басшысы лауазымында абыройлы қызмет атқарған.
Еңбек жолында қылмыстардың азаюы мен жедел ашылуына өзіндік үлес қоса білген және мінсіз қызметі үшін ҚР ІІМ, Полиция департаменті тарапынан медальдар, грамоталар, «Алғыс хаттармен» марапатталған.
Түркістандық полицейлер адам өлтірмек болды деген күдікпен ер адамды ұстағанын жазған болатынбыз.
