Түркістан облысында автогаз стансасындағы жарылысқа қатысты қылмыстық іс қозғалды

ТҮРКІСТАН. KAZINFORM – Ауруханада тағы бір зардап шегуші көз жұмды. 

Түркістан облысы полиция департаментінің баспасөз қызметінің мәлімдеуінше, полиция тарапынан ҚР ҚК-нің 306-бабы 3-бөлігімен іс қозғаған. Қазір тергеу амалдары жүріп жатыр.

Айта кетейік, Шардара ауданы Жаушықұм ауылында орналасқан автогаз құю стансасында жарылыс болды. Жеңіл автокөлік автогаз құю станциясына соқтығысқан. Салдарынан резервуардан газ ағып, кейін газ-ауа қоспасы тұтанды. Сондай-ақ жарылыс болды. Артынша жақын маңда тұрған көлік өртенді.

Апат салдарынан екі адам оқиға орнында көз жұмды. Ал, денесін күйік шарпыған үш адам ауруханаға жеткізілген. Дегенмен көп өтпей жансақтау бөлімінде тағы бір зардап шегуші көз жұмды.