Түркістан облысының 28 жастағы тұрғыны үшем дүниеге әкеліп, көпбалалы ана атанды

Жас ана жүктіліктің 34-аптасында мерзімінен бұрын босанып, Алматы облысындағы перзентханада жоспарлы кесарь тілігі арқылы үш қыз баланы өмірге әкелді. Нәрестелердің туған кездегі салмағы 1650, 1600 және 1780 грамм болған.

– Қазіргі уақытта ана мен нәрестелердің жағдайы жақсы. Отбасы сәбилеріне Даяна, Диана және Дария есімдерін қойды, – деп хабарлады облыстық денсаулық сақтау басқармасы.

Үшемді дүниеге әкелген ананы Ордабасы көпбейінді аудандық орталық ауруханасының басшысы Райымбек Тасырбаев арнайы құттықтап, ізгі тілегін жеткізіп, сый-сияпат табыстады.

Бұдан бұрын Түркістан тұрғыны 35 жасында алғаш ана атанып, үшем дүниеге әкелгені туралы жазған едік.